سياسة الخصوصية

آخر تحديث:

هذي السياسة توضح شنو المعلومات اللي يجمعها تطبيق «حاضر» للتوصيل بمحافظة الأنبار، وشلون نستخدمها.

المعلومات اللي نجمعها

الاسم ورقم الموبايل: حتى نسجل حسابك ونتأكد منه برمز تحقق، وحتى السايق يگدر يتصل بيك وقت التوصيل.
الموقع: مكان التوصيل اللي تحدده على الخريطة، وموقعك الحالي إذا سمحت للتطبيق، حتى نعرف المحلات القريبة ونوصل طلبك.
الطلبات: الأصناف والمبالغ وحالة الطلب.
للسايقين: الاسم ورقم الموبايل ونوع المركبة وموقع السايق أثناء توصيل الطلب.

ما نبيع معلوماتك لأي جهة. يشوف اسمك ورقمك وموقع التوصيل السايق اللي ياخذ طلبك وإدارة التطبيق فقط.

المعلومات تنحفظ بقاعدة بيانات آمنة لدى مزود خدمة سحابية (Supabase)، والوصول إلها محمي بصلاحيات.

تگدر تطلب تعديل معلوماتك أو حذف حسابك بأي وقت عن طريق التواصل ويانا.

لأي سؤال عن الخصوصية تواصل ويه إدارة تطبيق حاضر.